Allahverdi Qulu oğlu Allahverdiyev 10 iyun 1972-ci ildə Gürcüstan Respublikası, Bolnisi rayonunun Faxralı kəndində anadan olub. Kəndin “Balammədli” nəslindəndir.
1979-1989-cu illərdə Faxralı orta məktəbini bitirib.
1990-cı ildə Gəncə şəhərində yerləşən 77 nömrəli Texniki Peşə Məktəbinin toxuculuq bölməsinə daxil olub və eyni vaxtda Gəncə Xalça Kombinatında toxucu kimi işə başlayıb.
1991-ci ildə Gəncənin Azərbaycan Kənd Təsərrüfatı İnstitutunun mexanizasiya ixtisasına (qiyabi) daxil olub.
15.04.1992-ci il tarixində hərbi xidmətə çağrılıb və həmin il sentyabrın 24-də Ağdam rayonu ərazisində yerləşən Fərrux dağı uğrunda gedən döyüşlərdə yaralanıb.
O, müalicədən sonra xidmətini Azərbaycan Respublikasının Daxili İşlər Nazirliyinin Daxili Qoşunlar Baş İdarəsində davam etdirib.
1993-cü ildə Daxili Qoşunlar Komandanının əmri ilə ona “gizir” rütbəsi verilib və 1996-cı ilədək Daxili Qoşunlar Baş İdarənin Nəzarət Buraxılış Məntəqəsinin növbətçisi kimi xidmət edib.
II qrup Qarabağ müharibəsi əlilidi.
Evlidir.
