Borçalı kəndləri arasında futbol çempionatında 1/4 final mərhələsinin oyunları keçirilib. Faxralı.com saytı xəbər verir ki, bütün görüşlər eyni gündə baş tutub.
İlk olaraq meydana Orzuman və Qoşakilsə komandaları çıxıblar. Görüş “dağlılar”ın 3:2 hesablı qələbəsi ilə yekunlaşıb.
Günün ikinci oyununda Kirov və Qaraçöp kollektivləri üz-üzə gəliblər. Birincilər 3:2 hesablı qələbəyə seviniblər.
Qızılkilsə – Gəyliyən qarşılaşmasında azarkeşlər 8 qola şahidlik ediblər. Qızılkilsə 6:2 hesablı qələbə ilə yarımfinala adlayıb.
Mərhələnin ən maraqlı oyunu isə doğma Faxralımızla Dəmirli arasında olub. Əsas vaxtı 2:2 hesablı bərabərliklə bitən oyunda penalti zərbələrində daha dəqiq olan Faxralımız qələbə qazanıb.
Yarımfinalda kəndimizin rəqibi Orzuman kollektivi olacaq.
Qızılkilsə isə Kirovla üz-üzə gələcək.
Zaur Xudiyev,
www.faxrali.com
