Gürcüstan Azərbaycanlıları Konqresi 20 Yanvar Şəhidi İlqar Əhmədovun Faxralı kənd qəbirstanlığındakı məzarını ziyarət etdi. Anım mərasimində Şəhidimizin ailə üzvləri, kəndin ziyalılarından Cümşüd Gülməmmədov, Sayad Allahverdiyev, GAK – ın Faxralı kəndi üzrə nümayəndəsi Alı Xuduyev, Fatimə Aslanqızı, Hacı xanım Validə Xəlilova, 1 nömrəli məktəbin şagirdləri,GAK nümayəndələri iştirak etdilər.Anım mərasimində mərhumun ruhuna dualar oxundu, Faxralı ziyalıları İlqar Əhmədovla bağlı xatirələrini danışdılar, şagirdlər şəhidə həsr olunmuş şeirlər oxudular. GAK – ın nümayəndələri şəhidin məzarının üzərinə əklil qoydular. Anım mərasimi şəhidin doğulduğu evin ziyarətilə tamamlandı.
