Bir elmi öyrənmək istədikdə sən,
Çalış ki, hər şeyi kamil biləsən.
(N. Gəncəvi)
İnsan dünyaya gəldiyi həyatda bir ömür yolçusudur. O, həyata gəldiyi andan ömrünün sonuna kimi elmin hər sahəsini hərtərəfli öyrənməyə çalışmalıdır. Çünki yaşadığımız əsr texnika, sivilizasiya əsridir. Bu dövr hər bir insandan yüksək elmi təfəkkür, bacarıq və qabiliyyət tələb edir. Ən əsası cavan nəslin elmi biliklərə dərindən yiyələnməsi mütləqdir. Uşaqlara bu vərdişi kiçik yaşlarından aşılamaq lazımdır. Müəllim və valideyn birliyi şagirdin gələcək uğurunun əsasıdır. Şagirdlər arasında bütün fənlər üzrə bilik yarışması, müsabiqələr, olimpiadalar və s. təşkil etmək onlarda böyük ruh yüksəkliyi, öyrənməyə həvəs yaradır, onların inkişafına əvəzsiz töhfə verir, gələcəkdə cəmiyyətdəki sosial həyatları üçün əhəmiyyətli məqama çevrilir.
Əslən Faxralı kəndindən olan İnci Qasımlı Əhliman qızı 20.10.2024 tarixində keçirilən FMO (FERMAT Mathematical Olympiad) riyaziyyat olimpiadası, 03.11.2024 tarixində keçirilən JEO (Junior English Olympiad) inglis dili olimpiadası, 01.12.2024 tarixində keçirilən FISO (Future Intelligence Students Olympiad) məntiq olimpiadasının seçim turlarında iştirak edərək iki gümüş, bir bürünc medalla təltif olunmuş və Vyetnam, Sidney, Dubayda keçiriləcək final mərhələsində iştirak etmək hüququ qazanmışdır.
İnci hazırda Xoşbəxt Yusifzadə adına 112 nömrəli məktəbin 2-ci sinif şagirdidir.
Yaşı kiçik olsa da, böyük ürəkli bu balacanı ürəkdən təbrik edir, uğurlarının davamlı olmasını arzu edirik.
